Balmaseda - Garbea - Kolitza

Bizkaiko lehen hiribilduko alde zaharretik abiatuko gara, Enkarterriko gailurrik esanguratsuenetako batera iristeko asmoz: Kolitza mendira. Tontorrean, amildegi baten ertzean eraikitako San Roke ermita erromanikoa dago.

879 metroko garaiera baino ez badu ere, inguruetako haranen ikuspegi panoramikoa eskaintzen digu Kolitzak. Bizkaiko bost deiadar mendietako bat da, gailurraren ikuspena eta akustika direla eta. Tontorrean sua piztu eta turuta jo ohi zuten Bizkaiko Batzar Nagusietara deitzeko.

Eremua malkartsua da eta aldapa asko ditu, baina bista zoragarriak lortuko ditugu ahaleginaren ordainsari gisa. Gailurrera iritsi aurretik, hariztietan eta pagadietan barneratuko gara, eta La Garbeako tumulua bezalako leku ederretan. La Garbea, Ordunteko mendien ekialdekoena, "Enkarterriko balkoia" izenez ezagutzen da, eta Sopuerta, Balmaseda eta Artzentales udalerriak mugatzen ditu.