Enkartada

Kadagua ibaiaren urek sekretuz, xarmaz eta naturaz beteriko ibilbide batean zehar gidatzen gaituzte. Ibilbidea egiteko, ibaiertzetik doan bidegorriari jarraitu besterik ez dugu, nahiz eta tarte txiki batzuetan errepide nagusira atera beharko dugun. Ibilbidea Balmasedatik (Bizkaiko lehen hiribildua) Gueñeseraino abiatzen da, Zalla udalerria zeharkatuz. ARENATZarte aire zabaleko eskultura-parkera iritsi ondoren, igotzeari ekingo diogu. Amabizkar Goikora iritsitakoan, berriro jaitsiko gara, oraingoan Galdameserantz.

Galdamesko mendiak betidanik egon dira burdina-mineralaren erauzketarekin eta tratamenduarekin lotuta; jarduera horrek udalerriaren orografia erabat eraldatu zuen, eta paisaia hunkigarriak moldatu. Arenatza kobazuloak eta bertan islatutako pinturek osatzen dute inguruko elementu arkeologikorik esanguratsuena. Horrela, Arenatza labar-artearen laginak dituen Bizkaiko laugarren haitzuloa da. Galdamesek hainbat dolmen ere baditu (esaterako, Eskatxabeleko trikuharria eta Pico Mayor eta Eretza mendien artean dauden beste bost).

Galdamesetik, poliki baina etengabe, errepide eta pisten artean gora egingo dugu, Burdin Mendien Bide Berdearekin bat egin arte. Bide horretatik Sopuertaraino jarraituko dugu. Sopuertak kontrastez betetako udalerria irudikatzen du, Bizkaiaren eta Euskadiren garapenean modu erabakigarrian lagundu zuen iragan iskanbilatsuarekin. Bidean geldialdi bat egingo dugu zuhaitzetan abenturak izateko Euskadiko lehen parkeaz gozatzeko. Zailtasun desberdineko lau ibilbide ditu Sopuerta Abenturak. Zailtasun-maila koloreen bidez adierazten da. Zailtasuna handitu ahala, esperientzia bizitzeko altuera ere handitu egiten da. Tibetar zubiak, tirolina zirkuituak, lianak eta abordatze sareak. Adrenalina eta barreak bat datoz hemen. Parkeak segurtasun-ekipamendu eraginkorrenak ditu.

Bide Berdea behin betiko utziko dugu Traslaviñara iristean, eta Garbeara igotzen jarraituko dugu. Gailurretik, Balmasedara jaitsiko gara, paraje ederren artean. Bizkaiko lehen hiribildura iritsi aurretik, geldialdi bat egingo dugu La Porquerizako atsedenlekuan.