La Magdalena kobazuloa

Ibilbide aparta naturaz familiartean gozatzeko. Abiapuntua eta helmuga La Aceña aisia-eremuan daude, aintzira baten aldamenean eta Bizkaiko bide berde luzeenetik oso gertu. Hortik Trianoko Mendietaraino igoko gara pixkanaka, haritz-, pago- eta eukalipto-basoetan barrena.

Aska batera iritsiko gara, Galdamesko ikuspegi panoramikoak begi bistan ditugula gora egiten jarraitzen dugun bitartean. Horretarako, larre bateraino eramango gaituen bidezidor labur bat hartuko dugu. Bertan, animaliak aske ikusteko aukera izango dugu. Trianoko mendietako arroketara hurbildu ahala, meatze-iraganeko aztarnak eta istorioak agertuko zaizkigu bidean.

Baserri bitxi batzuk inguratuko ditugu Urallagako arku naturalera iritsi aurretik. Garai batean (XIX. eta XX. mendeetan, hain justu), Mina Pepita meategiaren ahoa izan zen arkua, gaur egun La Magdalena (meatzarien zaindaria) izenarekin ezagunagoa.

Handik, abiapuntura itzuliko gara, La Aceña aintziraraino atzera eginez. Ibaia zeharkatu eta askaldegira iritsi ondoren, bidea amaitutzat emango dugu. Gorputza indarberritzeko unea da.

Kobazuloaren inguruaz gozatu ondoren, bide beretik itzuliko gara La Aceña aintzira. Ibaia zeharkatu eta askaldegira iritsi ondoren, bidea amaitutzat emango dugu. Gorputza indarberritzeko unea da.