Baljerri Mendia Lanzas Agudas auzotik

Baljerri mendia Bizkaiko balkoietako bat da. Punturik altuenak ikuspegi harrigarriak eskaintzen ditu norabide guztietan: alde batean, Burgosko probintzia eta Ordunteko urtegia; bestean, Karrantza Harana; eta, urrutian, Kantabriako kostaldea, Santoñako badia erreferentzia gisa.

Lanzas Agudas auzoan hasiko dugu ibilbidea. Autoa goiko aldean utziko dugu, Gailurretan landetxearen ondoan, eta oinez ibiltzen hasiko gara seinaleztatutako bidezidorretik. Pista zabala da eta maldan gora jarraitzen du Baljerriko pagadiraino (Bizkaiko zabalena).

Bidezidor horretatik aurrera egingo dugu, gutxi gorabehera 2 kilometroz, eskuinean Baljerrirako desbideratze bat aurkitu arte. Bidebanatzeak haritzez eta pagoz betetako inguru basati batean barrena eramango gaitu. Aurreraxeago, ezkerrera utziko dugun harrizko horma batera iritsiko gara.

Mendi-mazela batetik segituko dugu, egurrezko seinaleei eta hainbat mugarriri jarraituz. Portillo de la Brenara iristean, Baljerriko gailurra antzemateko aukera izango dugu. Belarrezko malda leun batek ur-putzu bat duen mendi-lepo bateraino eramango gaitu. Hortik, azken ahalegina eginez, pistan gora jarraituko dugu Baljerriko gailurrera iritsi arte.

Ibilbide beretik itzuliko gara Lanzas Agudas auzora.