Bikirrio ibilbidea

Ibilbide aparta Gordexola eta udalerriko inguruneak eta ondarea ezagutzeko: baso eta bidexken artean altxatzen diren indianoen etxeak, jauregiak eta Erdi Aroko dorreak, natura betean. Ibilbidea zailtasun-maila ertain-altukoa da, desberdintasun tartea nabarmena baita. Halaber, tarte tekniko txiki bat du (baliteke ohitu gabeko ibiltarientzat zaila izatea). Hala ere, ez du inolako zailtasun edo arriskurik.

Molinar plazan hasi eta amaituko dugu. GR123 bidezidorretik Bikirrio mendira igo aurretik, Herrerias ibairantz joko dugu, Gordojona jauregitik eta Ponton auzoko Ibarguen dorretxetik igarota.

Pinu-, haritz- eta eukalipto-basoetan barneratzen diren bidezidorrak eta pistak tartekatuz, azken zatiraino igoko gara, eta han, bidezidor bertikal batek Bikirrioren gailurretik (671) oso gertu utziko gaitu. Monolito batek koroatzen du mendia.

Metro batzuk atzera eginda, beste bidezidor bat hartuko dugu, eta, handik, Beraskola auzorantz jaitsiko gara. Ondoren, Gordexolako erdiguneraino jarraituko dugu, Zubieteko galtzada erromatarretik.

Hona iritsita, ibilbidea amaitzeko edo iparraldetik jarraitzeko aukera izango dugu. Azken hori aukeratuz gero, bidezidor ederretatik igoko gara San Cosme atsedenlekuraino, Molinar Plazara berriz jaitsi eta ibilbidea behin betiko amaitu aurretik.