Kolitza ibilbidea

Ibilbide zail honek Kolitza mendiaren gailurreraino eramango gaitu, izen bereko errekak osatzen duen harana inguratuz. Balmasedako hegoaldera joko dugu, Las Balugas futbol-zelaiaren eskuinaldetik abiatzen den pista bat hartzeko. Altuera hartuz joango gara sigi-saga, Sabugal mendiaren hegoaldeko hegala inguratuz; ondoren, Kolitza mendi ezagunera joko dugu. Mendatetik jarraituko dugu eta, azken igoera baten ondoren, gailurrera iritsiko gara (879 metro). Goian atseden hartuko dugu ikuspegi ederrez gozatzeko eta San Sebastian ermita erromanikoa miresteko. Ginea mendira jaitsiko gara eta handik Pandozales auzora, Balmasedako hirigunetik gertu.