Lanestosa - Ordunteko Mendiak

Ibilbidearen distantzia eta desnibela direla-eta, kirol-dohain nabarmenak izatea eta mendia ondo ezagutzea gomendatzen dugu.

Lanestosako alde zaharra atzean utziko dugu errepidez, ibaiaren arroari jarraituz Calera del Pradora iritsi arte. Behin hemen, Los Tornos mendate ezagunera iristeko asmoz egingo dugu aurrera, ibilbidearen erreferentzia nagusia ikusi arte: Zalama mendia, Bizkaiko hirugarren tontorrik garaiena.

Gailurreraino egingo dugu gora pixkanaka, bista ikusgarriez gozatu bitartean. Ondoren, kontuz jaitsiko gara, bideko zohikaztegiak errespetatuz eta inguratuz.

Manatik eta Mironetik igaro ondoren, Saltipiñarako desbideratzea hartuko dugu Peñaltan, Las Arroturas muinora iristeko asmoz. Handik, Cotobaserorantz egingo dugu, eta, Ubaleko errepidera iritsitakoan, segurtasunez jaitsiko gara Lanestosako erdigune historikora. Mendizaletasuna bizitzeko ibilbide bikaina!